Prezidentimiz tashabbusi bilan mamlakatimizda xotin-qizlarning ijtimoiy-siyosiy faolligini oshirish, ularni har tomonlama qo‘llab-quvvatlash, muammolarini hal etish, ijtimoiy himoyasini kuchaytirish, turmush sharoitini yaxshilash masalalariga alohida e’tibor qaratilmoqda.
Bu borada «Ayollar daftari» platformasining yo‘lga qo‘yilishi va xotin-qizlarni manzilli qo‘llab-quvvatlanishi, ushbu maqsadlarga erishish yo‘lida samarali tizim bo‘lib xizmat qilmoqda.
Ayollarni qo‘llab-quvvatlashning amaliy ko‘rinishlaridan biri bu ularning bandligini ta’minlash, o‘rgangan kasb-hunari bo‘yicha o‘zini o‘zi band qilishlari uchun shart-sharoit yaratib berishdir. Shu maqsadda Termiz tumanida tadbirkorlik faoliyatini yo‘lga qo‘yish istagida bo‘lgan, «Temir daftar», «Ayollar daftari» va «Yoshlar daftari»ga kiritilgan 80 nafar xotin-qizga tikuv dastgohlari bepul tarqatildi.
Endilikda ular uyda o‘tirgan holda o‘zlarini band qilishlari va oilasiga qo‘shimcha daromad olib kirishlari uchun imkoniyatlarga ega bo‘lishdi.
© Termiz tumani hokimligi veb-saytlari 2024