Ўзбекистон Республикаси Мактабгача таълим вазирлиги ва БМТнинг ЮНИCЕФ болалар фонди билан ҳамкорликда “Яхшилик ва тинчлик” мавзусида ташкил қилинган расмлар кўргазмасида Сурхондарё вилояти Термиз туманидаги 6-сонли давлат мактабгача таълим ташкилоти тарбияланувчиси Шахина Насриддинова ўзининг чизган расмлари билан иштирок этиб, республика танловида ғолибликни қўлга киритди.

Бугун вилоят Мактабгача таълим бошқармаси ва туман бўлими раҳбарлари 6-сонли давлат мактабгача таълим ташкилотида бўлишиб, Шахинанинг тарбиячи опаси ва ота-онасига вилоят мактабгача таълим бошқармасининг ташаккурномаси ва эсдалик совғаларини топширишди.

Туман ҳокимлиги жажжи ижодкор Шахинанинг қўлга киритган ютуғи билан ота-онаси ва 6-сонли мактабгача таълим ташкилоти жамоасини муборакбод этади.