Депутат кўмагида мактабга ичимлик суви олиб келинди

Халқ депутатлари Термиз туман Кенгаши депутати Зоир Ачилдиевнинг жорий йил 23 феврал куни 20-сонли мактабда сайловчилар билан ўтказган учрашувида мактаб ўқитувчилари мактабда ва унга туташ хонадонларда ичимлик суви муаммо эканлигини билдириб, ушбу масалада ёрдам сўраган эди.

Депутат ташаббуси билан ҳомийларни жалб қилган ҳолда 150 метр қувур ётқизилиб, 20-сонли мактабга ичимлик суви тортиб келинди.

Мактаб ва аҳоли учун қулайлик яратиш мақсадида мактаб ҳовлиси ҳамда ташқарисида биттадан алоҳида жумраклар ўрнатилди.