Сурхон воҳасида кўплаб эл-аро машҳур санъаткорлар етишиб чиққан. Ана шундай таниқли ижодкорлардан бири бўлган воҳадошимиз, марҳум Абдулазиз Имомов ижросидаги куй-қўшиқлар ҳанузгача санъат ихлосмандлари томонидан севиб тингланади.

Термиз туманида эл суйган ҳофиз хотирасига бағишланган маънавий-маърифий тадбир бўлиб ўтди. Унда санъаткорнинг оила аъзолари, дўст-биродарлари, шогирдлари ва мухлислари иштирок этди.