Давлат Раҳбари ҳузурида жорий йил 28 март куни ўтказилган видеоселектор йиғилишида белгилаб берилган топшириқлар ижросини таъминлаш ҳамда олис ва чекка ҳудудлардаги маҳаллаларда бирламчи тиббий-санитария ёрдамини ташкиллаштириш мақсадида Термиз туманининг “Мустақиллик” маҳалласида кўчма контейнерда «Маҳалла тиббиёт пункти» ташкил этилди.

«Маҳалла тиббиёт пункти» 2 ўринли амбулатор даволаниш хонаси, беморларнинг кўриги учун хона, муолажалар хонаси ва гигиеник хоналардан ташкил топган ҳамда барча керакли анжомлар билан жихозланган. Шунингдек, «Маҳалла тиббиёт пункти» бирламчи керакли дори-дармонлар билан тўлиқ таъминланиб, ўз фаолиятини бошлади.

Маълумот ўрнида, «Маҳалла тиббиёт пункти» ҳудуддаги 634 та хонадондаги 806 та оилага тиббий хизмат кўрсатади.