Термиз тумани ҳокимига янги ўринбосар тайинланди

Джураев Бунёд Шаниязович Термиз тумани ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.

Джураев Бунёд Шаниязович 1983 йил Термиз шаҳрида туғилган. 2004 йилда Тошкент давлат иқтисодиёт университети бакалавр, 2006 йилда шу университетнинг магистратурасини тамомлаган. Маълумоти бўйича мутахассислиги – иқтисодчи.

2021 йилдан буён Термиз шаҳар ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимида фаолият юритиб келаётган эди.