Термиз туманида кеча бошланган "Янги Ўзбекистонда эркин ва фаровон яшайлик" шиори остидаги маданий-маърифий тарғибот тадбирларининг якуний - галаконцерт дастурлари бўлиб ўтди.

Туман марказида жойлашган "Марварид" дам олиш масканига туман аҳолиси вакиллари - нуронийлар, ёшлар, турли соҳа вакиллари жам бўлишди. Тадбир аввалида спортчи ёшлар ва санъат мактаби тарбияланувчиларининг кўргазмали-бадиий чиқишлари намойиш этилди.

Шундан сўнг, Тошкент шаҳридан, вилоят марказидан ташриф буюрган санъаткорлар ва актёрларнинг чиқишлари фестивал иштирокчилари томонидан қизғин кутиб олинди. Туманимиз ёш истеъдодларининг чиқишлари эса байрам дастурини бойитди.

Тадбир сўнгида Ўзбекистонда хизмат кўрсатган артист Дилафрўз Ҳайитметованинг шўх куй-қўшиқлари барчани саҳна марказига чорлади.

Термиз туман ҳокимлиги
Ахборот хизмати