Вилоят мактабгача таълим бошқармаси, Термиз тумани ҳокимлиги ва Термиз тумани Мактабгача таълим бўлими томонидан журналист, блогер ва ижтимоий тармоқ фаоллари учун тумандаги мактабгача таълим ташкилотларига пресс-тур ташкил этилди.

Пресс-тур давомида иштирокчилар 12-сонли давлат, “Алпомиш ва Ойбарчин” номли давлат-хусусий шерикчилик ҳамда 46-сонли оилавий нодавлат мактабгача таълим ташкилотларида бўлишиб, ушбу таълим-тарбия масканларида болалар учун яратилган шарт-шароитлар билан танишишди.

Мактабгача таълим ташкилотларида болаларга турли машғулотлар, чет тили тўгараклари ва спорт машғулотлари ўтказилади. Пресс-тур давомида болалар ўзларининг чет тили ва спорт машғулотларидан эгаллаган кўникмаларини намойиш этишди.