Bugun Termiz tumani hokimi Shuhrat Nazarov rahbarligida “Zoom” platformasi orqali mahallalar “yettiligi” ishtirokida topshiriqlar ijrosi va kelgusidagi vazifalar yuzasidan muhokama yig‘ilishi o‘tkazildi. Unda viloyat Soliq boshqarmasi boshlig‘i Erkin Narmanov ham ishtirok etdi.

Mahallalarda aholi bilan ishlash, aniqlangan muammolarni hal etish chora-tadbirlarini ishlab chiqish, mutasaddi tashkilotlar bilan hamkorlikda amalga oshirish, obodonlashtirish ishlarining borishi, mezon asosidagi tadbirlar ijrosi tahlil qilindi.

Mutasaddillar va mahalla “yettiligi”ga yo‘l qo‘yilgan kamchiliklar ko‘rsatib o‘tildi hamda ularni bartaraf etish yuzasidan kelgusidagi vazifalar belgilab berildi.