Aholi murojaatlarini tinglash, ularga yechim topish maqsadida Termiz tumani hokimi Shuxrat Nazarov ishtirokida navbatdagi fuqarolar qabuli bo‘lib o‘tdi.

Mas’ullar ishtirokida fuqarolarning moddiy yordam olish, ishga joylashish, uy-joy hujjatlarini rasmiylashtirish, suv, elektr energiyasi va gaz ta’minoti, ichki yo‘llar ta’miri va boshqa masalalardagi o‘n beshdan ortiq murojaatlari o‘rganildi.

Qabulda fuqarolar tomonidan yo‘llangan murojaatlarning aksariyati shu yerning o‘zida ijobiy hal etilgan bo‘lsa, vaqt va mablag‘ talab qiladigan murojaatlar alohida nazoratga olindi va ijrosi bo‘yicha mas’ullar biriktirildi.