O‘quvchi-yoshlarning bo‘sh vaqtlarini mazmunli tashkil etish, ularning intellektual salohiyatini oshirish maqsadida “Zakovat” intellektual o‘yini o‘tkazib kelinmoqda.

Termiz tumanidagi 22-sonli umumta’lim maktabida “Zakovat” intellektual o'yinining “Milliy Gvardiya Surxondaryo viloyati bo'yicha boshqarmasi kubogi” saralash bosqichi bo'lib o'tdi.

Musobaqada maktabning yuqori sinf o'quvchilaridan iborat jamoalar ishtirok etishdi. Qiziqarli va bahs-munozaralarga boy tarzda o‘tgan musobaqada maktabning 10-sinf o‘quvchilari g‘olib bo‘lishdi.

Tadbir yakunida g‘olib jamoalar tashkilotchilarning tashakkurnoma va esdalik sovg‘alari bilan taqdirlanishdi.