Куз-қиш мавсумини беталофат ўтказиш, аҳоли ва ижтимоий соҳа объектларини барқарор энергоресурслар билан таъминлашни ташкил этиш ва мувофиқлаштириш бўйича Термиз тумани Штаби томонидан аҳоли мурожаатларини ҳал этиш, аниқланган муаммоларни бартараф этиш бўйича тизимли ишлар амалга оширилмоқда.

Куни-кеча содир бўлган кучли бўрон ва кўп миқдорда қорнинг ёғиши йўлларда музаламалар ҳамда қор уюмларини юзага келтирди. Туман ҳокимлиги кўрсатмаси билан мутасаддилар томонидан кечанинг ўзида йўлларни музалама ва қор уюмларидан тозалаш, музаламалар юзага келишини олдини олиш мақсадида қум-туз аралашмаси сепиш ишлари олиб борилди.

Қиш мавсумида ижтимоий соҳа объектларида иситиш тизими, энергия таъминоти ва коммунал хизматларнинг сифатли кўрсатилишини таъминлаш бўйича туман штаби томонидан бир қатор ишлар амалга оширилмоқда.

Қиш мавсумини беталофат ўтказиш, ижтимоий соҳа объектларида бу борадаги ишларни кўздан кечириш ва камчиликларни бартараф этиш ҳамда туман штаби фаолиятини ўрганиш мақсадида вилоят прокурорининг биринчи ўринбосари Равшан Намозов Термиз туманида бўлди.

Бугун туманимизнинг ободлиги ва кўркамлиги посбонлари бўлган туман Ободонлаштириш бошқармаси ходимлари янги йил байрами билан қутланди. Тадбирда туман ҳокимининг ўринбосари Бунёд Жўраев иштирок этиб, ходимларни кириб келаётган янги йил байрами билан табриклади ва уларга туман ҳокимлигининг байрам совғаларини топширди.