Кейинги йилларда давлат фуқаролик хизмати тушунчаси жамиятимизга кириб келди ва бу борада ягона давлат сиёсатини юритувчи тузилма ташкил этилди.

Ўзбекистон Республикаси Президенти ҳузуридаги Давлат хизматини ривожлантириш агентлиги давлат бошқарув органларини малакали кадрлар билан таъминлаш, давлат хизматини ривожлантириш, ишга қабул қилишда шаффофликни таъминлаш ҳамда ёш кадрларни қўллаб-қувватлаш борасида бир қанча ишларни амалга оширмоқда.

“Жануб қуёши” газетасининг 2021 йил 24 апрелдаги 8-сонида қатор таҳлилий ва хулоса чиқаришга ундовчи мақолалар ҳамда туман ҳаётига оид янгиликлар нашр этилган:

“Спортни сев, спорт билан яша” шиори остида жорий йил 23 апрел куни Шеробод туманидаги спорт мажмуасида шаҳар ва туманлар Жисмоний тарбия ва спорт бўлимлари ҳамда Болалар-ўсмирлар спорт мактаблари мураббийлари ўртасида спорт турлари бўйича вилоят биринчилиги ташкил этилди.

Президентимиз Шавкат Мирзиёевнинг  “Маҳаллабай” ишлаш тизимини амалиётга жорий этиш тўғрисидаги ташаббуси ҳудудлардаги муаммо ва ечимини кутаётган масалаларнинг имкон қадар тезроқ бартараф бўлишига мустаҳкам ва ишончли замин  бўлиши шубҳасиз.

Термиз туман ҳокимлиги Ахборот хизматининг медиа-режасига асосан Маҳалла ва оилани қўллаб-қувватлаш бўлими билан ҳамкорликда “Аёллар дафтари”га киритилган аёллар билан олиб борилаётган ишлар тўғрисида” матбуот анжумани ўтказилди. Матбуот анжуманида туман ҳокимининг хотин-қизлар масалалари бўйича маслаҳатчиси, Маҳалла оилани қўллаб-қувватлаш бўлими бошлиғининг биринчи ўринбосари Зумрад Муродова ва масалага алоқадор масъуллар, соҳа бўйича маҳалла раислари ўринбосарлари ҳамда ижтимоий тармоқ фаоллари иштирок этишди.