“Ноябрь ойи – Кексалар саёҳат ойлиги” доирасида нуронийлар учун турли тадбирлар ташкил этиб келинмоқда. Тумандаги барча маҳаллаларда саёҳатлар, кўнгилочар тадбирлар, ётиб қолган кексалар ҳолидан хабар олиш каби тадбирлар ташкил этилди ва бу борадаги ишлар давом этмоқда.

“Яшил макон” умуммиллий лойиҳаси доирасида Термиз туманида олиб борилаётган дарахт экиш акцияларида иштирок этаётган Олий Мажлис Қонунчилик палатаси депутати Ботир Мардаев туман ҳокимлиги раҳбар-ходимлари билан биргаликда Муҳиддин Эштемиров маҳалласига ташриф буюришди.

Бугунги кунда Давлат раҳбарининг ташаббуси билан бошланган “Яшил макон” умуммиллий лойиҳаси юртимизнинг ҳар бир ҳудудида жадал олиб борилмоқда. Бу аҳолининг барча қатлами вакиллари ҳамда ташкилот ва идоралар ходимлари фаол иштирок этишмоқда.

“Яшил макон” умуммиллий лойиҳаси доирасида навбатдаги дарахт экиш акциялари Термиз туман Ички ишлар бўлимида ташкил этилди. Туман Ички ишлар бўлими бошлиғи М.Амонтўраев ташаббуси билан бугун эрта тонгдан бўлим ҳудудида жойлашган бўш ер майдонларига манзарали ва мевали дарахт кўчатларини ўтказиш ва мавжуд боғда ободонлаштириш ишлари бошлаб юборилди.

Темиз туманини яшил маконга айлантириш, дарахтзорлар ва боғлар барпо этиш ишлари туманнинг 2-Сектор ҳудудида ҳам жадал олиб борилмоқда. Бугун 2-Сектор штаби ташаббуси билан ҳудуддаги маҳалла фуқаролар йиғинлари, ташкилот ва корхоналар ходилари ҳамда кўнгилли аҳоли вакиллари иштирокида “Қорахон” маҳалласида 2 гектар майдонда тут кўчатларини экиш ишлари олиб борилди.