Куни-кеча вилоят ҳокими Тўра Боболов Термиз туманининг Янгиер ва Бунёдкор маҳаллаларида бўлиб, аҳоли билан мулоқот қилгани ва аҳолининг яшаш шароитларини яхшилаш борасида масъулларга вазифалар юклагани ҳақида хабар берилган эди.

Сурхондарё вилояти ҳокими Тўра Боболов Термиз тумани Бунёдкор маҳалласида бўлиб, аҳоли вакиллари билан мулоқот қилди. Мулоқот давомида электр энергия таъминотини яхшилаш учун бетон устунлар ўрнатиш, тармоқ тортиш, йўл, ичимлик суви ва бошқа муаммолар юзасидан вилоят раҳбарига мурожаат қилинди.

Вилоят раҳбари мазкур маҳаллаларда қурилиш-таъмирлаш, ободонлаштириш ишлари ҳамда аҳоли яшаш тарзи билан яқиндан танишгач, Янгиер маҳалласи ҳудудидаги 36-сонли мактабда вилоят Халқ қабулхонаси мудири, тегишли вилоят бошқарма бошлиқлари, Термиз тумани ҳокими, сектор раҳбарлари, ҳокимнинг соҳалар бўйича ўринбосарлари иштирокида йиғилиш ўтказди.

Термиз туман ҳокимлигида ҳар ҳафтанинг жума кунлари фуқаролар учун қабул ташкил этилган бўлиб, туман ҳокими ва туман ҳокимининг тармоқлар бўйича ўринбосарлари томонидан доимий равишда шахсий ва сайёр қабуллар ўтказиб келинмоқда.

Ўзбекистон Республикаси Қуролли Кучлари ташкил топганлигининг 30 йиллиги ҳамда “14 январь - Ватан ҳимоячилари куни” байрами тадбирлари туман ҳудудида жойлашган 7257-сонли ҳарбий қисмда давом этди.