Термиз туман прокуратураси ходимлари томонидан прокуратура биноси атрофи ва ҳовлисида ҳамда 2-Сектор штаби жойлашган бино атрофида 15 дона cаталпа, 55 дона арча, 10 дона кичик туя арчаси, 31 дона қарағай, жами 111 дона манзарали дарахт кўчатлари экилди. Ўтказилган кўчатлар тупроқларига ишлов берилиб, суғорилди ва келгусидаги парвариши учун масъуллар бириктирилди.

Термиз туман Туризм ва спорт бўлими ҳамда туман Болалар-ўсмирлар спорт мактаби спортчи ёшлари ва мураббийлар томонидан мактаб ҳовлиси, “Нурафшон” ва “Янги ер” маҳаллаларидаги бўш ер майдонларига 45 та манзарали, 216 та анор, 100 дона ўрик каби дарахт кўчатлари экилди.

“Ноябрь ойи – Кексалар саёҳат ойлиги” доирасида нуронийлар учун турли тадбирлар ташкил этиб келинмоқда. Тумандаги барча маҳаллаларда саёҳатлар, кўнгилочар тадбирлар, ётиб қолган кексалар ҳолидан хабар олиш каби тадбирлар ташкил этилди ва бу борадаги ишлар давом этмоқда.

“Яшил макон” умуммиллий лойиҳаси доирасида Термиз туманида олиб борилаётган дарахт экиш акцияларида иштирок этаётган Олий Мажлис Қонунчилик палатаси депутати Ботир Мардаев туман ҳокимлиги раҳбар-ходимлари билан биргаликда Муҳиддин Эштемиров маҳалласига ташриф буюришди.

Бугунги кунда Давлат раҳбарининг ташаббуси билан бошланган “Яшил макон” умуммиллий лойиҳаси юртимизнинг ҳар бир ҳудудида жадал олиб борилмоқда. Бу аҳолининг барча қатлами вакиллари ҳамда ташкилот ва идоралар ходимлари фаол иштирок этишмоқда.