Ўзбекистон ёшларини бирлаштираётган ойлик – июнь ойи юртимизда “Ёшлар ойлиги” сифатида кенг нишонланмоқда. “30 июнь – Ёшлар куни” арафасида ўтказилаётган ойлик доирасида барча ҳудудларда фестиваллар бўлиб ўтмоқда.

Термиз туманидан Халқ депутатлари вилоят Кенгаши депутатлигига сайланган Абдулҳаким Эшбоев томонидан туманнинг “Амир Темур” маҳалласида сайловчилар билан учрашиш, уларнинг мурожаатларини тинглаш мақсадида сайёр қабул ташкил этилди.

Давлат Раҳбари ҳузурида ўтказилган видеоселектор йиғилишларида берилган топшириқлар ижросини таъминлаш ва туманда озиқ-овқат нархлари барқарорлигини ўрганиш мақсадида туман прокурори Ботир Олтибоев туман ҳудудида жойлашган бозорлар, озиқ-овқат дўконлари ҳамда савдо мажмуаларида бўлиб, ўрганиш ишларини олиб борди.

Туманда озиқ-овқат маҳсулотлари, жумладан, қолипли нон нархларининг асоссиз ошиб кетишини олдини олиш ҳамда ишлаб чиқарувчиларнинг муаммоларини ўрганиш мақсадида туман прокуратураси томонидан Иқтисодий жиноятларга қарши курашиш Департаментининг туман бўлими ва туман Давлат солиқ инспекцияси ходимлари билан ҳамкорликда манзилли ўрганишлари давом этмоқда.

Термиз тумани ҳокими Шухратжон Уринов томонидан 1-Сектор штабида такрорий мурожаатлар қилиб келаётган туман фуқаролари билан сайёр қабул ўтказилди. Сайёр қабулда туман прокурори Ботир Олтибоев, туман Халқ қабулхонаси мудири Отабек Норматов ҳамда фуқароларнинг мурожаатларидаги масалаларга масъул корхона ва ташкилотлар раҳбарлари иштирок этишди.