Жорий йилнинг апрель ойидан бошлаб, юртимизнинг ҳар бир гўшасида мини-футбол бўйича ДХХ кубоги мусобақаси ўтказилиши белгиланган. Бугун Термиз тумани марказидаги “Марварид” дам олиш масканида ДХХ кубоги мусобақасининг туман босқичи очилиш маросими бўлиб ўтди.

Термиз туманида сектор раҳбарлари ҳафтада битта маҳаллада аҳоли вакиллари ва ёшлар билан учрашиб, уларнинг мурожаатларини сайёр қабулда тинглаш амалиёти мунтазам тарзда амалга ошириб келинмоқда.

Туманда ёшларга оид давлат сиёсатини амалга ошириш, ёшлар маънавиятини юксалтириш, уларнинг бўш вақтини мазмунли ташкил этиш, беш муҳим ташаббусни амалиётга жорий этиш мақсадида “Орол” маҳалласи ёшлари ўртасида кўрик танловлар, спорт мусобақалари ва интеллектуал ўйинлар ҳамда маданий-маърифий тадбирлар бўлиб ўтди.

Ёшларни ёт ғоялардан асраш, уларни турли оқим ва экстремистик ташкилотлар таъсирига тушиб қолишининг олдини олиш мақсадида Термиз агротехнологиялар ва инновацион ривожланиш институтида “Жаҳолатга қарши маърифат” мавзусида давра суҳбати ўтказилди.

Аҳолини рўйхатга олиш яна бир жиҳати билан муҳим. Унинг якунига етказилиши ҳудудларни хариталаш, аҳоли пунктларидаги уйлар рўйхатини тузиш имконини беради. Яна ҳам аниқроқ айтганда, турар ва нотурар жойларнинг аниқ сони, ҳолати, фойдаланилмай ётган ёки муддатини ўтаб бўлган биноларни белгилаб олиш билан тегишли ҳудудларда уй-жой, саноат объектларни қуриш ва таъмирлаш масалаларига ойдинлик киритиш мумкин бўлади. Бир сўз билан айтганда, республиканинг янги мукаммал кадастр харитаси яратилади.