Ёшлар ишлари агентлиги директори кубоги учун маҳаллалар ўртасида ўтказилган “Заковот” интеллектуал ўйинларининг вилоят босқичи бўлиб ўтди. Мазкур интеллектуал ўйинларда Термиз туманидан “Учқизил” маҳалласининг билимдон ёшлари муносиб иштирок этиб, вилоят босқичида фахрли 2-ўринни қўлга киритишди.

Енгил атлетика бўйича ўтказилган Ўзбекистон чемпионатида Термиз тумани вакили Отабек Файзуллаев 5 минг метрга югуриш баҳсларида иштирок этиб, биринчи ўринни қўлга киритди ва Ўзбекистон чемпиони бўлди.

Ҳафтанинг жума кунлари доимий тарзда ўтказиб келинаётган “Сиёсий маърифат соати” ўқув машғулотининг навбатдаги онлайн машғулотлари бўлиб ўтди.

Маслаҳатчи ва Миссия раҳбарининг ўринбосари жаноб Шинсуке Тода, Япониянинг Ўзбекистондаги Элчихонаси биринчи котиби Таэ Сато ЮНИСЕФ вакиллари билан биргаликда Термиз тумани халқ таълими бўлими қошидаги болаларни ижтимоий-психологик қўллаб-қувватлаш марказига ташриф буюришди.

Сурхондарё телеканалининг «Халқ билан мулоқот» кўрсатувида Термиз туманининг тўртта сектори раҳбарлари ва туман масъуллари иштирок этишди.