Бугун Термиз туман прокуратураси томонидан туман Ички ишлар ҳамда Камбағалликни қисқартириш ва бандлик бўлимлари билан ҳамкорликда туман Пробация гуруҳи ҳисобида турган ишсиз фуқаролар учун “Ишга мархамат” бўш иш ўринлари меҳнат ярмаркаси ташкил этилди.

Вилоят ҳокими Термиз туманига ташрифининг кейинги манзилида 23-сонли умумтаълим мактабида бўлиб, янги ўқув йилига тайёргарлик кўриш, ҳудудни ободонлаштириш ишлари билан танишди.

Вилоят ҳокими Улуғбек Қосимов Термиз туманидаги 16-сонли давлат мактабгача таълим ташкилоти фаолияти, ҳудудда олиб борилган ободонлаштириш ишлари билан танишди ва болажонларнинг таълим-тарбия олишлари, овқатланиши ва дам олиши учун зарур шароитларнинг яратилганлигини кўздан кечирди.

Кекса ва нуронийларни қадрлаш, уларга ҳурмат-эҳтиром кўрсатиш халқимизга хос қадрият, турмуш тарзимизнинг ажралмас бир бўлаги саналади. Айниқса, кекса авлод вакилларининг ижтимоий фаоллигини ошириш, уларга меҳр-оқибат кўрсатиш, саломатликларини асраш борасида бир қатор тадбир ва лойиҳалар амалга оширилмоқда.

Аҳоли мурожаатларини ўз жойида ўрганиш ва баратараф этиш мақсадида Термиз тумани ҳокими Шухрат Назаров туманнинг “Қаҳрамон” маҳалласида навбатдаги сайёр қабулини ўтказди.